Mashhur.uz

Gollivud azaldan “abadiy yoshlik” vasvasasiga chalingan. Bugungi kunga kelib hatto juda iste’dodli aktrisalar ham30 yoshdayoqishlariniyo’qotishdan qo’rqib boshlashadi, chunki aksariyat kinostudiyalar o’smir yoshlarni kinozallarga jalb qilish payida yurishadi, ular esa ekranda o’z tengdoshlarini ko’rishni istashadi. Bunday paytda Sheron Stoun yoki Meril Strip nima qilishi kerak? Keksalarrolini o’ynashga o’tishi kerakmi yoki plastik jarrohga uchrashishi? Ko’pincha san’atkorlar ikkinchi yo’lni tanlashadi.

“QASSOBLAR” TAJRIBALARI

Gollivudga plastik jarrohlik o’tgan asrning yigirmanchi yillarida kirib keldi. U paytlar studiyalar juda qattiqqo’l bo’lishgan, yulduzlar prodyusserlarining ishorasisiz hatto bir qadam ham tashlashmagan. Rahbariyat ko’rsatmasiga asosan uylanishgan, ajrashishgan, farzand ko’rishgan va albatta plastikoperatsiya qildirishgan.

U paytlar plastikjarrohlik juda xavfli bo’lgan va ko’pincha aktyorlar tajriba obyektiga aylanishgan. Shuning uchun ham bunday jarrohlarga ular “qassob” deb laqab taqishgan. Bunga asos ham bor edi-da. Masalan, Meri Pikford navbatdagi teri torttirish natijasida ingichka labli murdaga o’xshab qolgan, aktrisa va qo’shiqchi Karmen Miranda umuman tabassum qilolmaydigan bo’lgan. Lyusil Bol esa aksincha, operatsiyadan so’ng “kuydirgan kalla”ga o’xshab umumay og’zini yopolmay qolgan.

BOSHLAB OLSANGIZ BO’LDI

Ikkinchi jahon urushi davrida plastikjarrohlik ilgarilab ketdi. Shifokorlar yarador askarlarga chandiqlarini yashiruvchi operatsiyalar qilishni o’rganishdi. Gollivud esa jarrohlarning eng iste’dodlilarini o’zi tomon chorlayboshladi. Ma’lumki, afsonaviy Merilin Monro uning iyagini jarrohlar to’g’rilashganliklaridan keyingina mashhur bo’la boshlagan. Buning kuchini o’zida his qilgan Merilin jarrohlarga qatnashni kanda qilmay qo’ydi.

Yulduzlar plastikjarrohlar operatsiya stoliga yotganliklarini ko’pincha rad qilishadi. Masalan, marhum Maykl Jekson ko’rinishini tamomila o’zgartirgan bo’lsada, tirikligida atigi ikki marta rinoplastika(burun plastik operatsiyasi) qilinganini tan olgan xolos.

“YO MЕN, YO JARROH”

Sheron Stoun, Syuzan Sarandon, Tori Spelling va Brittani Merfi hayotlarida hech qachon plastik jarrohlarga murojaat qilmaganliklarini ta’kidlashadi. Biroq ularga kim ham ishonardi?

Kortni Lav va Charli Shin kabi Gollivudning jasur san’atkorlarigina bunday chorani o’zlarida qo’llashganini tan olishadi. Jumladan Charli shunday deydi: “Men tez-tez terimni torttiriman. Buning nimasi yomon? Tashqi ko’rinishim ishimning bir qismi-ku!”

“Yosharish”ning ashaddiy fidoiylari – Melani Griffit va Demi Mur. Melani botoks inyektsiyasi(ajinlarni vaqtincha yo’qotuvchi ukol)ni o’zida sinab ko’rgan ilk Gollivud yulduzidir. Shundan so’ng u bu mashg’ulotga shu qadar berilib ketdiki, uning yuzi muzlatilgan niqobga o’xshab qoldi. Quyosh nurlari ostida yotish esa yuzining rangi to’q qizilga aylanishiga olib keldi. Aktrisaningeri Antonio Banderas o’z ustida tajribalarini tugatmasa,undan ajralishini aytganidan so’nggina u “xobbi”sidan voz kechdi.

YAXSHI HAM ULARNI KO’RMAYMAN

Bir-necha yil tasvirga tushmay 2003 yilda katta ekranga qaytgan 40 yoshli Demi Mur vaqtini bekor ketkazmadi. U plastik jarrohlar cho’ntaklarini bir necha yuz ming dollarga qappaytirdi: liposaksiya, ko’krak implantantlarini almashtirish, labga kollagen ukolini qilish, yiliga uch marta botoks va ko’plab boshqa operatsiyalar...

Mashhur aktrisa “Xilton” mehmonxonalar imperiyasining merosxo’ri Peris Xilton ham o’z ko’rinishidan qoniqmay burnining shaklini o’zgartirgan.

Katrin Zeta Jons esa ko’plab yillar ilgari o’z tashqi ko’rinishi ustidan turli tajribalar o’tkazib bo’lgan. U yuzini operatsiya qildirishni 23 (!) yoshida boshlagan. Ko’zlari atrofidagi kichik ajinlarni oldirgan. Uning eri Maykl Duglas ham “abadiy yoshlik” tarafdori. U ham tez-tez “yasharib” turadi.

“Keksayotgan aktyor yoki aktrisa 28 yoshdagidek ko’rinishni istashi kulgili,” deydi aktyor va rejissyor Klint Istvud. “Chunki bugungi kunda Gollivudda 28 yoshlilar ham ish topishga qiynalishadi. Afsuski, yoki xayriyatki, biz butun umr 18 yashardek ko’rinmaymiz, biroq kamdan kam odam buni tan olishga qodir”.

Shunday bo’lsada, ijtimoiy fikr aksariyat Gollivud san’atkorlariga ta’sirini o’tkazmay qo’ymaydi.

“Terapevt shifokorimning oldiga borganimda, u menga qarab “ajinlaringizni tekislatsangiz bo’lmaydimi”, deb so’raydi”, deya arz qiladi Izabella Rossellini. “Men bunga javoban “yaxshi ham ularni ko’rmayman, ko’zguga kuniga ertalab tishimni yuvayotganimda 5 daqiqa qarayman xolos, deb javob beraman”.

Qizig’i shundaki, “abadiy yoshlik”ni vasvasaga aylantirgan Gollivud endi undan o’zi aziyat chekmoqda. U nafaqat o’zlari va ularni tomosha qilayotganlarda yolg’on umid berib, noto’g’ri fikrlar o’yg’otadi, balki ko’plab san’atkorlarning umriga zomin bo’lib kelmoqda.

M.URUNOV tayyorladi.

“7x7” gazetasidan olindi. Maqoladan foydalanish taqiqlanadi!